2026 жылғы 4 қыркүйекте №15 колледжде педагогтер мен ұжым қызметкерлеріне арналған «Сенімді дос – балалар арасындағы суицидтік мінез-құлықтың алдын алудағы білім беру ұйымдары қызметкерлерінің рөлі» тақырыбында ақпараттық семинар өткізілді.

 

Семинарды колледждің педагог-психологы Мустаева Айнур өткізді.

 

Іс-шараның негізгі мақсаты – білім алушылардың психологиялық қауіпсіздігін қамтамасыз ету, суицидтік мінез-құлықтың алдын алу бағытында педагогтердің кәсіби біліктілігін арттыру және қауіп белгілерін дер кезінде анықтау дағдыларын қалыптастыру.

Семинар барысында:

 

балалар мен жасөспірімдердегі эмоционалдық жайсыздық пен психологиялық қауіп белгілерін ерте анықтау;

 

қиын жағдайға тап болған білім алушымен дұрыс қарым-қатынас орнату;

 

қауіп анықталған жағдайда әрекет ету алгоритмін сақтау;

 

білім алушыға психологиялық қолдау көрсету;

 

қажет болған жағдайда тиісті мамандарға уақытылы жүгіну және ақпараттандыру тәртібі қарастырылды.

 

Семинар барысында педагогтерге баланың эмоционалдық жағдайына мұқият назар аудару, оның мінез-құлқындағы өзгерістерді дер кезінде байқап, қажетті психологиялық және әлеуметтік қолдау көрсету маңызды екені түсіндірілді.

 

Білім беру ұйымдарындағы психологиялық қауіпсіздікті қамтамасыз ету – педагогтер, ата-аналар және мамандардың өзара бірлескен жұмысының маңызды бағыты.

 

Баланың қауіпсіздігі – баршаға ортақ жауапкершілік.

---

 

• 
• 
• 
•